Ku Dage Ku Zabi Tinubu a Zaben Bana, APC Ta Roki ’Yan Najeriya Alfarma

 

Jam’iyyar APC ta ce wannan ne daman ‘yan Najeriya, su zabi Bola Ahmad Tinubu a zaben 2023 da ke a ranar Asabar mai zuwa 

 Wannan na fitowa ne daga bakin wani jigon jam’iyyar a lokacin da yake zantawa da manema labarai a birnin Akura, jihar Ondo 

Ya kuma bayyana cewa, da zarar an zabi Tinubu, to komai na wahala da kasar nan ke fuskanta zai zama tarihi 

Jihar Ondo - Jam’iyyar APC mai mulki ta shawarci ‘yan Najeriya da su kasance masu jajircewa kana su dage su zabi Bola Ahmed Tinubu a zaben shugaban kasa da ke tafe nan ba da jimawa ba. 

Wannan na zuwa ne daidai lokacin da kasar ke ci gaba da fuskantar karancin sabbin Naira ga kuma kuncin wahalar layi a banki na neman kudade. 

APC Ta Shiga Matsala Yayin da Magoya Bayan Tinubu Da Ribadu Suka Sauya Shek...

 Jam’iyyar ta bayyana kwarin gwiwar cewa, halin kunci da kasar ke ciki zai kau nan kusa idan aka zabi Tinubu ya gaji Buhari a zaben ranar Asabar mai zuwa. 

Wannan batu na fitowa ne daga bakin mataimakin shugaban jam’iyyar APC na kasa daga shiyyar Kudu maso Yamma, Mr. Isaack Kekemeke, Punch ta ruwaito.