Mafarauta sun kashe wani mutum bisa kuskuren cewa zomo ne Karin bayani: 👇👇👇

 Mafarauta sun harbe wani mutum a cikin wani daji a ƙasar China, bisa kuskuren cewa zomo ne.

Mafarautan sun kashe mutumin mai suna Wang Moujin lokacin da suka fita aikin farauta . 

Yanzu dai an kama mutane huɗu a wannan lamarin. Lamarin dai ya faru ne a makon jiya. 

Ba kasafai ake samun afkuwar harbe-harbe a ƙasar China ba. 

Rundunar ‘yan sandan ƙasar ta ce ɗaya daga cikin mafarautan huɗu ne ya buɗe wuta a lokacin da ya ji wani motsi na fitowa daga cikin dajin. 

Shi ma mutumin da aka kashe ya je dajin ne don yin farauta. 

An yi ta tattaunawa kan batun a shafukan sada zumunta a ƙasar ta China.